غضب ايريك بيشوف على WWE بسبب برون سترومان
إيريك بيشوف بيهاجم WWE والسبب غريب بسبب برون سترومان تعالو نشوف هاجم الاتحاد ليه هاجم إيريك بيشوف قرار اتحاد WWE بتسمية واحد من مصارعينهم الى حاطين عليه امال كبير باسم شبه اسم المصارع برون سترومان وقال أن اسم برونسون ريكستاينر (برونسون ريكستاينر هو مصارع أمريكي ولاعب كرة قدم أمريكي سابق زيه زى اغلب المصارعين جاينن من كرة القدم الامريكيه )اسمه مشابه جدا لاسم نجم الاتحاد(بهزر طبعا ده لا نجم ولا حاجه ) العالمي للمصارعة الحرة السابق برون سترومان .
وفي كلامه في بودكاست 83 Weeks (معلومه عن اسم البودكاست هو سمه كده عشان في حرب ليله الاتنين للWWE و WCW قدر يغلب WWE في نسب المشاهدات لمده 83 اسبوع )المهم قال المدير السابق أنه مستغرب من سماح الاتحاد لشخص ما باستخدام اسم برون سترومان بعد وقت قصير من رحيلو سترومان و قال ايريك بيشوف في تصريحاته .
سمو بنفس اسم برون سترومان تقريبا ودى الحاجه الى مش فاهمها المصارع هيظهر باسم برون برايكير انا عارف السبب انهم يعملو كده لكن انا مش حابب ان مصارع يأخذ اسم مشابه لبرون سترومان حقق برون برايكير فوزاً كويس على La Knight في اول ظهوره ليه في عرض NXT في 14 سبتمبر الى فات واتعاون مع توماسو تشامبا لهزمية فريق بيتي داني وريدجير هولاند في الماين افنت .
برون سترومان اتسرح من الاتحاد من فتره واسمه الحقيقي آدم تشيير وهو مصارع من صناعه اتحاد WWE و حصل على ألقاب من خلال وجوده في الشركة ومن الالقاب الى حصل عليها هى بطولة اليونيفرسال وبطولة القارات.
وعلى حسب كلام ديف ملتزر ان المصارع السابق لWWE وسنه 38 سنه في محادثات مؤخراً ليه عشان يرجع عن طريق اتحاد IMPACT Wrestling وهيستخدم اسم تايتان كاسم مصارعة جديد ليه وده طبعا عشان معهوش حقوق الاسم ومن المتوقع أنه هيظهر لأول مرة في 1 سبتمبر الجاى .
رئي الخاص
انا شايف ان ايريك بيشوف اوفر جدا وعايز يعمل اتنشن بس او هو لقي انه معندهوش موضوع فجي يعلق على موضوع غريب زى ده ما في تشابهات في الاسامى كتير زى كريس جيركو وكريس بنوا وفي زى كيرت انجل وكيرت هوكنز والقايمه تطول مش عارف ليه اصلا يتكلم على موضوع زى ده .
تعليقات
إرسال تعليق